Kryeministri dhe njëkohësisht kreu i PS-së, Edi Rama po zhvillon këtë të diel një takim me qytetarët në Lezhë, në kuadër të fushatës elektorale.
Rama ka ironizuar Partinë Demokratike, duke thënë se dikur thoshte se konkurronte me Gjermaninë në sektorin e ekonomisë.
Ai nënvizoi se nëse në zgjedhjet e 2013 do të kishte fituar PD, vendi do të shkonte sërish në ‘97.
Kryeministri tha se në këtë kohë çdo krahasim e bëjmë me rajonin, edhe për këtë kemi rritje të ndjeshme.
Rama: Jemi rritur ndjeshëm. Ne nuk konkurojmë me Gjermaninë, flas gjithmonë për rajonin. Me Gjermaninë patëm konkurruar, ju kujtohet? E mbani mend kur dolëm të dytët pas Gjermanisë? Ka qenë momenti kur ndërhytë ju dhe ndërhyri shumica e shqiptarëve që i mori me shqelma dhe i çoi nëpër shtëpia ata, se dhe për pak mund të rrinin aty, se do të na kishin futur në gropë, edhe na kishin kthyer prapë në ’97.
/vizionplus.tv
