Kryeministri Rama e ka komentuar me nota ironie drejt opozitës marrëveshjen në Këshillin Politik për administrimin e zgjedhjeve.
Duket se kreu i qeverisë priste të cekeshin disa cështje të tjera që lidhen me administrimin e procesit zgjedhor, e për këtë arsye shkruan se ka edhe më mirë sesa kjo marrëveshje që u arrit.
Pas 3 vjetësh marshim e 3 netësh ngujim na sollën fjalën e fundit:
“Mirë e kishim ashtu siç e kishim”
Po mirë, unë kam menduar e mendoj që ka edhe më mirë, po meqë LBPD janë të kënaqur me kaq për zgjedhjet e ardhshme,bujrum,si ta duan ata.
Duke vijuar me dozat e ironisë drejt Bashës, kryeministri shkruan se e rëndësishme është që LBPD do hyje ne zgjedhje me një Kod Zgjedhor sic dëshiron vetë opozita. Revolucioni mbaroi, shton më tej Rama.
Rëndësi ka që:LBPD do hyjë në zgjedhje me Kodin Zgjedhor siç e deshën vetë ODHIR është dakord që kjo nuk e cënon lirinë e zgjedhjeve. BE është e kënaqur,Shqipëria s’ka më pikëpyetje në prag të vendimit për datën e nisjes zyrtare të negociatave. Ah po, mbaroi edhe revolucioni.
