Rama: Investimet për 24 orë ujë do të shtrihen edhe në zona rurale

Nga Memaliaj, kryeministri Edi Rama premtoi se programi “Ujë 24 orë” do të shtrihet edhe në zona rurale.

Kreu i qeverisë tha se në Shqipëri janë rreth 120 kantierë që shërbejnë për shtrirjen e rrjeteve të ujësjellësit në vend, duke theksuar se shumë bashki të kenë 24 orë ujë.

“Janë 120 kantiere sot në Republikën e Shqipërisë, për shtrirjen e rrjeteve të reja të ujësjellësit”, u shpreh Rama.

Ai theksoi se furnizimi me 24 orë ujë nuk është thjesht një program elektoral, por është në proces prej disa vitesh.