Kryeministri Edi Rama u ndal gjatë konferencës me ministrin gjerman, Michael Roth edhe tek çështja e liberalizimit të vizave për Kosovën.
Ramës tha se BE e ka marrë peng Kosovën si “në një lojë shahu”, ndërsa e quajti të turpshëm faktin që BE nuk ka liberalizuar ende vizat.
“BE e ka marrë peng Kosovën. Peng është edhe Kosova. Një nga figurat ka vendosur që atë ushtar ta mbajë peng. Një nga figurat e shahut thotë jo. E turpshme, por nuk ke ça i bën.”
Për këtë çështje, ministri gjerman tha se BE duhet të mbajë premtimet e veta dhe se kjo do të duhej të ishte bërë prej kohësh, pasi kushtet janë përmbushur.
“Liberalizimi i vizave me Kosovën duhet të ishte bërë prej kohësh. Kjo sepse kushtet janë përmbushur. Edhe në këtë rast është e njëjta logjikë. Unë nuk mund të ndryshoj traktatet e BE-së, Bashkimi Evropian është ndërtuar mbi konsensusin dhe unë nuk mund të ankohem në këtë drejtim.”