Kryeministri Edi Rama e ka nisur ditën e sotme duke publikuar disa pamje nga momenti i pastrimit të Shqipërisë, ndërsa iu bën thirrje qytetarëve që mos i hedhin mbeturinat në rrugë.
“Me këtë moment nga pastrimi i Shqipërisë që vazhdon përditë, si edhe me lutjen që të mos hidhni mbeturina rrugëve, në shenjë dashurie për atdheun tonë të përbashkët, ju uroj një ditë të mbarë.”
Pak ditë më parë, Edi Rama deklaroi nga Vlora se pastërtia do të jetë prioriteti i prioriteteve të mandatit të tretë qeverisës, ndërsa paralajmëroi sanksione për kryetarët e bashkive që nuk i dërgojnë mbeturinat në inceneratorë dhe landfille.
