Në përfundim të mbledhjes së përbashkët të dy qeverive, kryeministrat Edi Rama e Ramush Haradinaj, kanë kryer homazhe në kompleksin memorial “Adem Jashari”, në Prekaz.
Të shoqëruar edhe nga anëtarët e dy qeverive, kryeministrat vendosën kurora me lule në memorialin ku sot prehen heronjtë e pavarësisë së Kosovës.
Nderimi për Adem Jasharin u mbyll në shtëpinë e heroit, ku Rama e Haradinaj u pritën nga Rifat Jashari, vëllai i komandantit legjendar te UÇK-se.
