Rama: Duhet të qeverisim vetëm

Fermerëve të Gjirokastrës, kryeministri Edi Rama i kërkoi votën më 25 qershor. Ai tha se PS ka treguar me fakte se me reformat e ndërmarra di të bëjë shtet. E për të vijuar, ai tha se socialistët duhet të qeverisin të vetëm në mandatin e dytë.

Rama iu drejtua në mënyrë të veçantë grave gjirokastrite, të cilat sipas tij u shpërfillën nga PD, pasi i la jashtë përfaqësimit në Parlament. E për të forcuar qëndrimin e tij, Rama tha se në 5 qarqe PD ka lënë në hije të plotë gratë.

Kreu i qeverisë vuri theksin tek rëndësia e reformës në drejtësi, pasi sipas tij, zbatimi i saj do t’i japë mbështetje rritjes ekonomike. Dhe sipas tij, rritja ekonomike do të shkojë deri në 5%, nga 3.5 që është aktualisht.