Ndërsa opozita mbetet e vendosur në kërkesën e saj për qeveri teknike, kryeministri Edi Rama shprehet i bindur për triumfin e reformës ne drejtësi. Nga Korça, shefi i qeverisë tha se kjo nuk është sfida e një partie, por e të gjithë shqiptareve.
Duke u ndalur tek zhvillimet e fundit në Ballkan, Rama tha se Gjuha Shqipe është mbartëse e ekuilibrit dhe fqinjësisë se mirë.
Teksa uroi mësuesit për 7 marsin dhe në mënyrë të veçantë Ministren e Arsimit, Lindita Nikollën, kreu i qeverisë tha se reforma në arsim, ka si qëllim rikthimin e autoritetit të mësuesit.
Këto deklarata, kryeministri Edi Rama i bëri në aktivitetin për 130-vjetorin e Mësonjëtores së Parë Shqipe, në qytetin e Korçës. Kryeministri Edi Rama i akordoi edhe Medaljen e Mirënjohjes, Muzeut të Mësonjëtores në Korçë.
