Kryeministri Edi Rama bëri një reagim të shkurtër pas përfundimit të takimeve në Bruksel dhe konferencës së përbashkët me dy zyrtarët e lartë të BE, Josep Borrell dhe Oliver Varhelyi.
Kreu i qeverisë e cilësoi këtë të hënë si një ditë produktive. Sipas tij, Shqipëria ka marrë vlerësime shumë të mira nga miqtë ndërkombëtarë.
“Ditë pozitive e produktive në një moment të vështirë për të gjithë; bashkëbisedime të drejtëpërdrejta me miqtë tanë në Bruksel dhe vlerësime shumë të mira nga ana e tyre për Shqipërinë”, u shpreh Edi Rama në rrjetet sociale.
