Ndërkohë që opozita bëhej gati të zhvillonte protestën e paralajmëruar në bulevard, kryeministri Edi Rama vijoi axhendën elektorale, me një takim në zonën e tij, në Selenice të Vlorës. Ai akuzoi sërish Partinë Demokratike, se është e frikësuar nga Vetingu, ndaj dhe është ngujuar në çadrën bunker.
Vendimi i parë që do të miratojë Parlamenti i ri sipas Ramës, do të jetë votimi i Vetingut, me qëllim që gjithë gjyqtarët e korruptuar të japin llogari për dëmet që i kanë shkaktuar popullit.
Veç të majtëve, Rama ftoi edhe ata të djathtë që, sipas tij, ndjehen të braktisur nga lidershipi i tyre, që të bëjnë zgjedhjen e duhur në 18 qershor, me qëllim vijimin e reformave për ndërtimin e shtetit.
Ndiqni fjalë ne plotë të kryeministrit në videon e mëposhtme: