Kryeministri Edi Rama garantoi se brenda muajit mars do të kryhet vaksinimi i të gjithë mjekëve dhe infermierëve.

 

Me anë të një reagimi në “Facebook”, kreu i qeverisë deklaroi se diçka e tillë ndodh në Shqipëri në një kohë kur vendet e tjera të botës ende nuk kanë siguruar asnjë vaksinë.

 

Ai shtoi se paralelisht me vaksinimin e bluzave të bardha, do të vijojë vaksinimi tek të moshuarit.

 

“🧪140 shtete, ndër të cilat edhe shtete të rajonit tonë, nuk kanë marrë ende asnjë doze vaksine, ndërkohë që ne vazhdojmë vaksinimin e bluzave të bardha dhe të të moshuarve në shtëpitë e kujdesit shtetëror, si edhe personelit në shërbim të tyre😊 Brenda marsit do jetë vaksinuar çdo mjek e infermier, si edhe do jemi duke vijuar vaksinimin e +80 vjeçarëve, ndërkohë që jemi optimistë për marrjen njëkohësisht të sasive të tjera për të rritur numrin e vaksinimeve❤️ Fatkeqësi e madhe e këtij vendi helmi që prodhohet pa ndalim e as turp, nga ata që e bëjnë përditë e më të ndjeshme mungesën e një vaksine kundër tërbimit të njeriut😷”

Leave a Reply

Your email address will not be published. Required fields are marked *