Kryeministri Edi Rama nuk ka humbur kohë. Pak pas kthimit në Tiranë të Ilir Metës nga vizita zyrtare dy ditore në Malin e Zi, shefi i qeverisë vizitoi në orët e mbrëmjes selinë e presidencës.

 

Këtë radhë Rama nuk hyri në zyrën e kreut të shtetit për të diskutuar dekretet, por për tu betuar si ministri i ri për Europën dhe Punët e Jashtme, pas votimit të hënën në parlament

 

Pas leximit të formulës dhe vendojes së dorës mbi kushtetutë, rama mori nga kreu i shtetit dekretin për detyrën e re.

 

Zyra e presidentit të republikës nënvizoi në njoftimin e saj se zoti Meta i uroi Ramës, suksese në këtë detyrë shumë të rëndësishme.

 

Në ceremoni ishte i pranishëm edhe Kryetari i Grupit Parlamentar të Partisë Socialiste, Taulant Balla si dhe anëtarë të Kabinetit të Presidentit të Republikës. E gjithë ceremonia e betimit në presidencë zgjati vetëm pak minuta.

 

Marrja e detyrës së ministrit të Jashtëm nga Edi Rama erdhi pas refuzimit të presidentit për të dekretuar Gent Cakajn në krye të diplomacisë.

 

Kreu i shtetit e quajti të papërshtatshme kandidaturën e Ramës, ndërkohë që kryeministri tha se presidenti kishte shkelur kushtetutën, një përplasje kjo që pritet të përfundojë në gjykatën kushtetuese, sapo ajo të jetë funksionale.

 

 

Leave a Reply

Your email address will not be published. Required fields are marked *