Pas njoftimit të Fakultetit të Arkitekturës dhe Urbanistikës se studentët do të paguajnë tarifën e studimit të plotë, ka reagaur kryeministri Edi Rama.
Në një postim në Twitter, Rama u ka bërë thirrje studentëve që askush të mos paguaj më shumë se 50% të tarifës së studimit.
Rama nuk I ka kursyer as akuzat në drejtim të opozitës dhe disa përfaqësuesve të opozitës.
Me tone të ashpëra, kreu i qeverisë ka theksuar se pengmarrësit që degjeneruan protestën e studentëve në mbyllje dyersh në bashkëpunim me disa fundërrina të universitetit po përpiqen të dizinformojnë studentët lidhur me tarifat e bashkëpunimit.
“Pengmarrësit që e degjeneruan protestën studentore në mbyllje dyersh me dhunë e në shfaqje rrugore të brutalitetit të injorancës, po përpiqen të dizinformojnë studentët lidhur me tarifat në bashkëpunim me disa fundërrina të universitetit! Askush të mos paguajë më shumë se 50%”
Rama ka theksuar gjithashtu në një postim të dytë në Twitter se në dhjetor është miratuar VKM që studentët të paguajnë 50% të tarifave për të gjithë studentët ndërsa për ekselentët arsimi do jetë falas.
“Eshtë miratuar në dhjetor VKM për të paguar 50% të tarifave për të gjithë (100% për ata me 9/10 e me ndihme ekonomike+burse 10 mije lek)dhe qeveria do t’ua kalojë lekët direkt universiteteve një për një brenda janarit!Fryma e qëllimet e protestës janë tanimë pjesë e rrugës sonë”
https://twitter.com/ediramaal/status/1082594395239649280
https://twitter.com/ediramaal/status/1082596544052903936
