Kryeministri Edi Rama ka komentuar largimin nga detyra të Avokates së Shtetit, Alma Hicka.
Në një postim të shkurtër në “Twitter”, Rama duke u ndalur tek disa lajme që e cilësuan largimin e Hickës si një shkarkim nga detyra, nuk ka nguruar të thumbojë mediat.
Sipas Ramës, Hicka u largua me dëshirën e saj për arsye krejt personale dhe jo se u shkarkua.
“Kazanët po ziejnë një broçkull për “shkarkimin” e Alma Hickës. Në fakt Alma u largua me dëshirën e saj, për arsye krejt personale e për gjithë keqardhjen time që e konsideroj një Avokate të shkëlqyer të Shtetit. Me neveri për kazanët i them Almës mos u mërzit e paç vetëm sukses”
