Kryeministri dhe njëkohësisht kreu i selisë rozë, Edi Rama po zhvillon këtë të hënë fushatën përmbyllëse në qytetin e Pogradecit.
Në fjalën e tij, Rama tha se një nga investimet më të mira që ka bërë qeveria në qytetin turistik të Pogradecit është infrastruktura, që tashmë pasqyron një pamje piktoreske.
Kryesocialisti kërkoi votën e qytetarëve, për të bërë Shqipërinë anëtare të Bashkimit Evropian.
Rama: Kur kemi nisur këtë rrugëtim me rrugën për të ardhur në Pogradec, që nuk ishte rrugë për të ardhur në një qytet turistik, por një rrugicë mes mureve. Besoj ju kujtohet çfarë beteje kemi bërë me kënetën, se na i nxorrën të gjitha speciet aty tek rruga. Rruga hyrëse e Pogradecit është një nga rrugët më të bukura panoramike. Nga ajo hyrje filloi e gjithë puna. Sot kanë mbetur vetëm një grusht i vogël fshatrash pa ujë, dhe gjithë qyteti dhe një pjesë e madhe e fshatrave furnizohen me ujë të pijshëm, dhe projekti aq i munguar për ujin e pijshëm tani është realitet.
Më 11 maj ne mund të përcaktojmë fuqinë me të cilën do të përballemi dhe me të cilën do i dalim me sukses, përballej në tryezën e negociatave për t’u anëtarësuar në BE. Nuk ka rendësi që ata që nuk janë fort mbështetës të PD-së, por që janë të interesuar të jenë në BE, nuk ka rëndësi a pëlqejnë PS apo jo, por ka rëndësi vota e tyre për të çuar Shqipërinë në BE. Të bëjnë jo atë që forca politike i shtyn drejt kënetës, por të shkojnë drejt pesës. Kemi bërë një përpjekje për të vendosur identitetin tonë europian. Të kemi sot një marrëdhënie ku ata na besojnë dhe na vlerësojnë.
/vizionplus.tv
