Në ditën e 13-të të grevës së naftëtarëve, dhjetëra qytetarë të Ballshit i janë bashkuar kauzës së tyre, duke protestuar dhe bllokuar rrugët e qytetit.
Ata i kanë bërë thirrje të gjithë punëtoreve të tjerë që nuk ndodhen si dhe qytetarëve që të mblidhen në ambientet e jashtme të uzinës.
Ata i kanë kërkuar kryeministrit Rama dhe deputetëve të zonës të reagojnë dhe t’i japin një zgjidhje kësaj situate.
Naftëtarët kanë përsëritur dy kërkesat e tyre kryesore dhe pa plotësimin e tyre ata thonë se nuk do të tërhiqen.
10 naftëtarë ndodhen në grevë urie prej 13 ditësh, ku gjendja e tyre shëndetësore është përkeqësuar shumë.