Disa orë para se të nisë bllokimi në Francë, në mesnatën e të premtes, qindra qytetarë morën makinat për të dalë nga Parisi. Ata krijuan një trafik të rënduar, me gati 700 kilometra rrugë të bllokuara nga makinat në rajonin e Ile-de-France.
Sipas mediave vendase, shumë qytetarë u larguan nga qyteti për të kaluar bllokimin në fshat. Trafik pati edhe në Lyon dhe Bordeaux.
Sipas masave të reja, është e ndaluar të largohesh nga shtëpia nëse nuk ke një punë të rëndësishme apo një arsye mjekësore. Presidenti Emmanuel Macron shpjegoi se masat e reja janë të nevojshme për shkak të rasteve të reja me koronavirus.
