Lulzim Basha doli përpara gazetarëve vetëm pak pasi Edi Rama bëri publik vendimin për ta bere te detyrueshme mbajtjen e maskave në cdo ambient. Kreu i opozitës nuk e komentoi këtë vendim, nëse ishte i drejtë apo jo, por sulmoi Ramën duke i kujtuar planin e propozuar prej opozitës dy javë më parë.
Dy javë më parë, kërkuam që qeveria të marrë masa për valën e dytë të pandemisë. Ka dalë me dhjetra here në ekran e ka sulmuar opozitën, në vend që t’i vinte veshin propozimeve tona, meqë vetë ësht ëpa ide, po e ka mendjen të mbushë xhepat e tij e të klientëve të tij. Po ti kishte vënë veshin propozimit tonë më 11 mars, nuk ishim në këtë gjendje. Të njëjtën gjë i thamë para dy javësh nga kjo sallë.
Basha vuri theksin tek vështirësia ekonomike në të cilën ndodhën shumë familje sot, të cilat nuk kanë mundësinë të blejnë ushqime e jo më maskat. E për këtë, risolli dhe njëherë në vëmëndje 5 pikat e planit të opozitës.
Pika e parë e planit: mbështetja e përgatitja e sistemit shëndetësor, duke rritur numrin e testimeve në 2500 në ditë. Cfarë ka bërë? Më thuaj.. ju e ndiqni, dhe del sot e thotë do mbani maska, ndryshe ju gjobis. Po ata që s’kanë të blejnë bukën e fëmijëve me ca do i blejnë? Pse nuk ke marrë masa, për maska falas?
Pika e dytë: Arsim i sigurtë, fëmijët e mësuesit të jenë të sigurtë. 70 % e shkollave janë pa ujë të rrjedhshëm. Vetëm ai mbyll sytë, del sot e thotë maskën ose të gjobis, po ata që s’kanë para? Po ai me 50 mijë lekë ndihmë ekonomike? Testim periodik për stafin ndihmës. Kosova e bën, po këtu thonë për cfarë duhet..
Pika tre: Asnjë shqiptar mos lihet pas dore. Kushdo ka humbur vendin e punës të përfitojë një cek mujor. Një fond punësimi për bizneset për të rimarrë në punë atë që e ka hequr nga puna. Dyfishim i ndihmës ekonomike, po prap nuk mjafton. Nëse do bënte këtë realitet, mund të thoja që edhe një pensionist mund ta blejë. Po siguroja maskën.
Pika katër: Ndihma për biznesin e vogël mbështetje drejtpërdrejtë, një cek 1000 euro, taksat ia ka marrë kokërr më kokërr, edhe pagat e luftës i dorëzoi si pagesa sigurimesh apo taksa.
Pika pestë: Rikonceptimi nga skemat e garancisë sovrane për t’u bërë më e aksesueshme nga biznesi. Ky propozim ka dy javë në tavolinë, e kanë mësuar edhe shqiptarët planin me 5 pika. I vetmi që s’ia ka vënë veshin, është njeriu që paratë që dalin e teprojnë ua jep ditë për ditë në mënyrë kriminale, klientëve të tij.
E në fund i pyetur nga gazetarët nëse opozita do të hynte në zgjedhje me një listë të vetme apo cdo parti me listën e saj, kreu i opozitës ju përgjigj vetëm duke thënë se më 25 prill merr fund kultura e pandëshkueshmërisë.
