Qendra Altax ka bërë një studim lidhur me përmbushjen e objektivave të qeverisë Rama 3.
Sipas të dhënave nga ky studim rezulton se objektivat janë realizuar në masën 67% apo 2 % më shumë se ato të Rama 2.
Por pavarësisht përmbushjes së disa objektivave, asnjë sektor nuk duket të ketë përmirësim të dukshëm. Madje ato janë larg pritshmërive të publikut. Eduard Gjokutaj thotë se ka një ngadalësim të reformave strukturore.
“Në përgjithësi kemi sektor me ecuri pozitive dhe sektor pa progres real. Rezulton se ka një ngadalësim të reformave strukturore. Ekonomia është sektori me ecuri më të dobët, pasi deri më tani nuk është arritur një model i qartë ekonomik që mbështet biznesin e vogël apo krijon klimën e duhur ekonomike për biznesin e madh. Infrastruktura është një tjetër sektor me ecuri jo pozitive. Kur flasim për infrastrukturë nuk kemi parasysh vetëm rrugë, por ujësjellës, kanalizime. Edhe bujqësia mbetet një sektor pa progres në këtë mandat qeverisës që po mbyllet. Ndërkohë dy sektorët jetik si arsim shëndetësia kanë një përmirësim, por jo të dukshëm, për shkak të investimeve të kryera”, sqaroi Gjokutaj.
/vizionplus.tv
