Eshtrat e diplomatit dhe personalitetit të kulturës Mid’hat Frashëri do të kthehen në Shqipëri.
Ky është vendimi i marrë nga Këshilli i Ministrave, ku theksohet se ceremonia shtetërore e kthimit të eshtrave do të jetë në nëntor të këtij viti.
Për këtë qeveria ka anagazhuar tre ministritë, atë të Jashtmen, të Kulturës e të Financave.
Mid’hat Frashëri u dallua në karrierën e tij politike, kryesisht si diplomat, edhe pse jo pak herë ka qenë kundër politikave të burrave të shtetit.
Fillimisht, ai u nda nga mendimet politike të Ismail Qemalit e më pas nga ato të mbretit Zog e ishte kundër komunizmit që po lulëzonte në Shqipëri.
Ai u varros në New York, pasi humbi jetën në 3 tetor të 1949 nga një atak kardiak.
