Qëndrimi i opozitës për reformën në drejtësi

Partia Demokratike pritet të beje publik sot qëndrimin e saj mbi draftin e prezantuar nga ekspertët ndërkombëtarë të Euraluis dhe Opdat, për ndryshimet kushtetuese për reformën në drejtësi. Një ditë më parë kreu demokrat Lulzim Basha mblodhi per 3 ore ekspertet dhe anëtaret e opozitës në komisionin e reformës. Ndërkohë, përmes një njoftimi shpërndarë mediave, PD shprehet se i vetmi kusht i PD-së është qe drejtësia të mos kapet politikisht nga Edi Rama, e të mos bëhet shtesë dhe alibi e qeverisjes së të tij. Ndërkohë, është zbardhur axhenda e takimeve që ambasadorët e SHBA dhe BE-së do të zhvillojnë ditën e marte me tre grupet kryesore parlamentare. Takimet ambasadorët, Lu e Vlahutin do t’i nisin në selinë e PS në orën 13.30. Më pas, ne orën 15.00 ata do të marrin pjesë në takimin e grupit parlamentar të PD-së dhe ne orën 17.00 do të jenë në grupin parlamentar të LSI.