Qëndrimi i Britanisë së Madhe në BE është në interesin e një Evrope të fortë dhe të bashkuara. Deklarata është bërë nga Sekretari Amerikan i Shtetit Xhon Kerri, duke folur nga Gjermania, një ditë para vizitës së tij në Shqipëri. “Dëshiroj të shpreh qëndrimin e presidentit Obama dhe të gjithë amerikanëve se Evropa do të jetë më e fortë nëse të gjitha vendet qëndrojnë të bashkuara përballë sfidave të reja” – u shpreh numri një i diplomacisë amerikane Xhon Kerri. Një vit më parë edhe kreu i Uashingtonit përsëriti të njëjtën thirrje për Londrën zyrtare. Ashtu siç kishte paralajmëruar kryeministri Kameron, do të jenë vetë qytetarët britanik, të cilët do të vendosin me një referendum për qëndrimin ose jo të këtij shteti në familjen europiane. Një nga politikat më të kundërshtuara nga ana e Londres zyrtare ka qenë qasja e unionit ndaj krizës së emigrantëve.

 

Leave a Reply

Your email address will not be published.