Qëllon me automatik drejt 20-vjeçarit, policia shpall në kërkim autorin

Një 25 vjeçar është shpallur në kërkim nga policia e Korçës, pasi mbrëmjen e së hënës për morive të dobëta ka qëlluar me armë ndaj shtetasit K.B. 20 vjeç.

25 vjeçari R.F pas një konflikti të çastit për motive të dobëta, dyshohet se ka qëlluar me armë zjarri tip automatik, në drejtim të 20 vjeçarit, banues në Bilisht, por pa i shkaktuar dëmtime këtij të fundit dhe më pas është larguar me shpejtësi me automjetin e tij.

Gjatë kontrollit të ushtruar në vendin e ngjarjes u gjetën dhe sekuestruan në cilësinë e provës materiale dy gëzhoja dhe një copë fishek luftarak.