Një 27-vjeçar është arrestuar në Tiranë, pasi ka qëlluar me armë zjarri në ajër në afërsi të banesave të të afërmve të tij. Ngjarja ndodhi mbrëmjën e djeshme, teksa arma që i riu Dhimitri Thomollari posedonte ishte pa leje.
Gjatë kontrollit në një ambient në afërsi të kësaj banese, shërbimet e Policisë kanë gjetur dhe sekuestruar një armë zjarri automatik, dy krehra dhe municion luftarak, që dyshohet se i posedonte ky shtetas.
Njoftimi i policisë:
Shërbimet e Komisariatit të Policisë Nr. 1, angazhim maksimal për të garantuar sundimin e ligjit në territor, goditjen e veprimtarive kriminale në fushën e mbajtjes pa leje të armëve dhe vënien përpara përgjegjësisë penale të shtetasve që i disponojnë ato.
Në kuadër të operacionit mbarëkombëtar “Sundimi i ligjit” është goditur një rast i armëmbajtjes pa leje.
Vihet në pranga një 27-vjeçar që qëlloi në ajër, me armë zjarri, në afërsi të banesës së të afërmve të tij. Sekuestrohet arma e zjarrit kallashnikov, dy krehra dhe municion luftarak.
Shërbimet e Komisariatit të Policisë Nr. 1, në vijim të punës për garantimin e sundimit të ligjit në territor, pas informacionit të marrë se në fshatin Zaranikë, një shtetas kishte qëlluar me armë zjarri që e mbante pa leje në banesë, kanë organizuar punën në kuadër të operacionit mbarëkombëtar “Sundimi i ligjit” dhe si rezultat kanë vënë në pranga shtetasin:
– Dh. Th., 27 vjeç, banues në Shkozë.
Ky shtetas, mbrëmjen e djeshme, ka qëlluar me armë zjarri kallashnikov në afërsi të banesës së të afërmve të tij. Gjatë kontrollit në një ambient në afërsi të kësaj banese, shërbimet e Policisë kanë gjetur dhe sekuestruar një armë zjarri automatik, dy krehra dhe municion luftarak, që dyshohet se i posedonte ky shtetas.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme. /vizionplus.tv
