Qëllohet me armë drejt një mjeti në fshatin Adriatik në Kurbin.
Ishte vetë shtetasi me iniciale A.Gj, që njoftoi në sallën operative se e kishin qëlliar me armë në kohën kur ai po drejtonte mjetin tip kamioncine.
Shërbimet e Policisë dhe grupi hetimor menjëherë kanë shkuar në vendngjarje dhe po punojnë për fiksimin e çdo provë të vlefshme që do ti shërbejë hetimit, për identifikimin e autorëve dhe zbardhjen e dokumentimin e kësaj ngjarje.
Policia tha se nga të shtenat me armë janë shkaktuar vetëm dëme të vogla materiale.
Nga shërbimet e Policisë janë shoqëruar në Komisariatin e Policisë Kurbin disa shtetas që mund të kenë dijeni për ngjarjen, si dhe janë sekuestruar pamje filmike.
Gjithashtu, janë ngritur pika kontrolli në hyrje-dalje, më qëllim kapjen e autorëve.
