Kreu i Partisë së Lirisë Ilir Meta ka dhënë një mesazh të koduar gjatë hapjes së kampingut veror në Jalë.
Meta, në fjalën e tij tha se që nga data 25 korrik ka rënë deri në 8 kilogram, ndërsa u tha të rinjve se nëse nuk stërviten në kodra nuk do mund të ngjisin dot malet.
“Që nga 25 korriku kam rënë 7-8 kile, kështu po të bëjmë garë mund të vendosim rekorde të reja. Jemi nisur për malore dhe para jush është një njeri që ka bërë gjatë këtyre 5 viteve që bënit Jalën ka ngjitur Jezercën, do bëj edhe Malin e Çikës. Ka disa parime, dhe parimi i parë është që po nuk u stërvite në kodra nuk ngjitesh dot në male, jam i sigurt që bashkë do arrijmë atë qëllim që ka PL që nga 25 korriku.
Rinia është një pengesë e pakalueshme për regjimet autoritare që synon mbijetojën përmes frikës, korrupsionin, presionit, sepse ëndrrat e të rinjve janë sfidë që ata nuk përballen dot, ndaj kanë shpresuar se me largimin e të rinjve do realizojnë projektet e tyre grabitqare’, tha Meta.
