Drejtuesi i rajonit rus në Oudmourtie, i dyshuar për marrje rryshfetesh u arrestua dhe u shkarkua nga posti që mbante ditën e sotme, duke u bërë zyrtari i parë i lartë rus që vihet nën akuzë që prej protestave të fundit kundër korrupsionit.
Alexandre Soloviev, 67 vjeçar në krye të kësaj republike ruse që nga viti 2014 u ndalua për t’u shoqëruar drejt Moskës për vijimin e hetimit, njoftoi Komiteti i hetimit në një deklaratë.
Ai është i dyshuar se ka përfituar rryshfete mes periudhës 2014 dhe 2016 deri në 139 milionë rubla (rreth 2,3 milionë euro me normën aktuale) nga ana e kompanive të punimeve publike në këmbim të kontratave që kanë të bëjnë me ndërtimin e urave dhe licencave për shfrytëzimin e guroreve, sipas së njëjtit burim.
“Presidenti rus, Vladimir Putin nënshkroi për herë të parë një dekret për shkarkimin e Alexandre Soloviev me motivacionin për humbje të besimit”, sipas një deklarate të Kremlinit.
