Kryediplomati Kinez Uang Ji është takuar këtë të martë në Moskë me Presidenti Rus Vladimir Putin. Ata diskutuan mbi rëndësinë e bashkëpunimit mes dy vendeve dhe zhvillimet e fundit nderkombetare.
Kryediplomati Kinez siguroi presidentin Rus se presioni ndërkombëtar nuk do të ndikojë në marredhëniet mes Moskës dhe Pekinit teksa njoftoi edhe thellimin e bashkëpunimit stategjik.
Më herët Uang Ji u takua edhe me Ministrin e Jashtëm Rus Sergei Lavrov me te cilin foli mbi mënyrën dinamike të forcimit të marredhënieve mes dy vendeve.
SERGEI LAVROV – MINISTËR I JASHTËM RUS
“Ne jemi të kënaqur t’ju mirëpresim në Moskë. Marrdhëniet mes dy vendeve tona zhvillohen në mënyrë të qëndrueshme dhe dinamike pavarësisht turbulencave të larta në arenën botërore. Ne jemi të gatshëm të demonstrojmë unitet dhe gatishmëri për të mbrojtur interesat e njëri tjetrit në bazë të respektimit të ligjit ndërkombëtar dhe rolit qëndror në Kombet e Bashkuara.”
Kryediplomati Kinez u shpreh se mezi po pret që dy vendet të arrijnë marrëveshje të reja mes tyre.
Vizita e Uang Ji në Rusi vjen në një kohë kur marredhëniet e Kinës me Perëndimin dhe SHBA-të mbeteten të tensionuara për shkak të aleancave të Pekinit me Moskën.
Përpara nisjes së vizitës, Kryediplomati Kinez zhvilloi një bisedë telefonike me Sekretarin Amerikan të Shtetit Antony Blinken i cili paralajmëroi Kinën që të mos ndihmonte Rusinë me armë.
