Presidenti Putin akuzoi Perëndimin për shfrytëzimin e çështjes “Navalny” për të çuar deri në fund politikën e tij, sipas Putin, për të kufizuar Rusinë.
Në një intervistë për mediat ruse, Vladimir Putin tha se protestat në mbështetje të kritikut të tij, Alexey Navalny, janë nxitur nga jashtë.
“Kundërshtarët tanë ose kundërshtarët e mundshëm gjithmonë janë mbështetur në njerëz ambiciozë, të etur për pushtet, ata gjithmonë i kanë përdorur ato. Ata po e përdorin këtë person (Navalnyn) tani, në një kohë kur të gjitha vendet e botës, përfshirë tonën, po përballen me lodhje, inat dhe pakënaqësi për shkak të kushteve në të cilat jetojnë”, theksoi ai.
Alexei Navalny, një kundërshtar i ashpër i Putin, u kthye në Rusi në mes të janarit pas disa muajsh në Gjermani, ku u shërua nga helmimi. Ai u vu në pranga sapo mbërriti në Rusi.
