Presidenti rus Vladimir Putin i është përgjigjur me një gjuhë tepër diplomatike homologut amerikan, Joe Biden i cili një ditë më parë e quajti një vrasës.Për më tepër Biden e përshkroi Putinin si një person pa shpirt dhe premtoi se Rusia do të paguante një çmim të rëndë për ndërhyrjen ruse në zgjedhjet presidenciale të SHBA në vitin 2020, diçka që Kremlini e mohon. Përballë kësaj retorike, Putin i uron shëndet kreut të shtëpisë së bardhë.
VLADIMIR PUTIN
PRESIDENT I RUSISE
“Sa i përket deklaratës nga homologu im amerikan, ne me të vërtetë e njohim mirë njëri-tjetrin, ashtu siç e tha edhe ai. Unë do t’i thoja: Kujdes shëndetin! Të uroj shëndet të mirë”, dhe kjo nuk është shaka. Ne gjithmonë, shohim cilësitë tona në një person tjetër dhe mendojmë se ai është i njëjtë me ne. SHBA duhet të marrin në konsideratë interesat ruse.”
Në një lëvizje tepër të pazakontë pas intervistës së Biden, Rusia thirri ambasadorin e saj në Shtetet e Bashkuara për konsultime urgjente mbi të ardhmen e marrëdhënieve mes palëve. Ministria e Jashtme ruse deklaroi se Uashingtoni i ka futur raportet mes dy vendeve në rrugë pa krye por Kremlini synon ti korrigjojë ato.
