Punimet në rrugë, shkak aksidentesh

Problemet ne sinjalistiken rrugore, punimet ne akse të ndryshme, por edhe defekte e semaforëve ne jo pak raste janë kthyer ne burim aksidentesh. E tillë ishte përplasja mes dy automjeteve ne kryqëzimin e Vasil Shantos, dy dite me pare, ku avaria e një semafori për pak sa nuk shkaktoi viktima. Një mjet “Benz” u përplas me një “Ford”, por për fat të mirë, përveç dëmtimit të makinave, nuk pati të lënduar në njerëz. Policia, e cila shkoi menjëherë ne vendngjarje tha se shkak i aksidentit u bë mosfunksionimi i semaforit. Të kontaktuar nga Vizion Plus edhe përfaqësues të Bashkisë, thane se ka raste avarish, të cilat po riparohen. Sipas eksperteve ne ketë rast Bashkia duhet te beje dëmshpërblim te te dëmtuarve, ndërkohe qe kryqëzimi nuk është sipas standardeve. Duke u ndalur dhe tek disa devijime te tjera te trafikut, kjo dhe për shkak te punimeve, ekspertet shprehen se bashkia duhet të kishte gjetur zgjidhje me të mira. Sipas tyre, ne raste si ndryshimi i lëvizjes se detyruar prapa Bankës se Shqipërisë, por edhe te stadiumi “Qemal Stafa” nuk kane ndikuar pozitivisht ne qarkullim. Edhe ne rastet e punimeve ne infrastrukturën rrugore, sinjalistika e përkohshme duhet te vendoset sipas një standardi qe paralajmëron me pare punimet ne zone.