Një tjetër investim madhor pritet të përfundojë brenda pak ditësh në qytetin alpin të Pukës.
Investimi i nisur prej afro një viti më parë për ndërtimin e Unazës së qytetit po shkon drejt fundit, pasi pritet të përfundojë vetëm vendosja e sinjalistikës dhe e ndriçimit në këtë aks.
Kryebashkiaku I Pukës Gjon Gjonaj e konsideron investimin si një arritje të një tjetër objektivi madhor me qëllim zhvillimin e zonës që ai drejton.
Unaza e qytetit të Pukës I ka kushtuar qeverisë shqiptare afro 60 milion lekë ndërsa ka si synim të lehtësojë lëvizjen brenda qytetit.
Me përfundimin e unazës shpresohet nga ana e kryebashkiakut që të vijojë investimet e qeverisë në këtë zonë me qëllim kthimin e saj në një destinacion turistik.