2 dite pas kongresit publikohet pyetja për Referendumin qe do te mbahet ne datën 9 prill. Anëtaret e Partisë Socialiste do te thirren per te votuar nëse jane pro apo kundër nenit 40 te statutit te partisë qe ka te beje me zgjedhjen e kryetarit te PS. Vete kryeministri Rama pas mbledhjes se grupit ka preferuar te shmange çdo koment per Referendumin. Neni qe do te shkoje ne Referendum ne piken 6 parashikon se kur partia është ne qeveri dhe kryetari zgjidhet kryeministër, zgjedhjet për kryetarin e partisë bëhen vetëm kur ato kërkohen nga 10% e delegateve dhe mbështetet nga shumica e kongresit.
Por përtej zgjidhjes qe është bere ne statut per rastet kur partia është ne pushtet, ne kete nen është bere edhe nje ndryshim tjetër qe ka lidhje me largimin e kryetarit te partisë. Ne statutin e vjetër parashikohej ne nenin 30 se mandati i kryetarit ndërpritet kur partia humbet në zgjedhjet e përgjithshme legjislative. Ndërkohe statuti i ri ka sanksionuar se kryetari largohet nga drejtimi i partisë vetëm kur PS humbet vendin e pare ne zgjedhjet e përgjithshme. Ky ndryshim, i cili e lidh mandatin e kryetarit jo me humbjen e zgjedhjeve por me rezultatin e partisë, hap nje debat te ri pasi Partia Socialiste ka dale ne çdo zgjedhje qe prej vitit 1997 forca e pare politike ne vend, përfshi këtu edhe zgjedhjet e 3 korrikut 2005 kur ne pushtet erdhi Sali Berisha apo edhe ato te vitit 2009 kur Berisha mori mandatin e dyte fale koalicionit me LSI.

Leave a Reply

Your email address will not be published.