Është publikuar fotografia e parë nga adaptimi televiziv i ri i librave të famshëm “Harry Potter” të autores J.K. Rowling. Në këtë version të ri, rolin e magjistarit të njohur do ta luajë aktori i ri Dominik McLaughlin, i cili do të pasojë Daniel Radcliffe në këtë rol ikonik.
Në foton e shpërndarë nga produksioni, McLaughlin shfaqet me syzet karakteristike të Harry Potterit dhe veshjen e shkollës së magjisë Hogwarts, ndërsa mban një klaketë xhirimi në dorë.
Seriali i ri pritet të ketë premierën në vitin 2027 në HBO dhe në platformën HBO Max, dhe do të shpërndahet gjithashtu në tregje si Gjermania, Italia dhe Mbretëria e Bashkuar. Prodhimi ka zbuluar disa nga emrat e rinj të kastit, përfshirë Rory Wilmot si Neville Longbottom, Amos Kitson si Dudley Dursley, Louise Brealey si profesorja Rolanda Hooch dhe Anton Lesser në rolin e Ollivanderit.
Ndër emrat më të njohur që janë konfirmuar më herët janë John Lithgow si Albus Dumbledore, Paapa Essiedu si Minerva McGonagall, Janet McTeer si Severus Snape dhe Nick Frost në rolin e Rubeus Hagrid.
Pesha kryesore e serialit do të bazohet te treshja protagoniste: Dominik McLaughlin (Harry), Alastair Stout (Ron Weasley) dhe Arabella Stanton (Hermione Granger) — tre aktorë të rinj që pritet të mbajnë serialin gjallë për të paktën një dekadë, sipas planeve të HBO.
Seriali përshkruhet si një “adaptim besnik” i librave të dashur të Rowling, e cila merr pjesë edhe si producente ekzekutive në projekt.
