I vetmi i arrestuar dhe i akuzuar nga autoritetet belge per përfshirje ne sulmet terroriste te Brukselit, gazetari freelance Fajkal Shefo, është liruar për mungese provash. Ai mendohej te ishte personi me kapele, qe shihet pranë dy kamikazëve Naxhim Lashraui në të majtë dhe një prej vëllezërve El Bakraui në qendër ne ketë video te publikuar nga policia, por nuk është kështu. Tashme vazhdon gjuetia për atentatorin e trete. Shefo ishte arrestuar ditën e enjte nga policia, pasi u identifikua nga një taksist. Me herët autoritetet belge konfirmuan zyrtarisht se numri i viktimave në sulmet terroriste në aeroport dhe në metro është 35, përfshire këtu edhe tre terroristët që hodhën veten në erë. Nga 28 persona që janë identifikuar deri më tani, rezulton se 16 prej tyre janë shtetas belg, ndërsa 12 të tjerë janë të huaj. Mes tyre ka shtetas britanik, italian, kinez, francez, gjerman dhe amerikan. Sa i takon numrit të personave të lënduar policia konfirmon se ai shkuar mbi 300. E ndërkaq, televizioni CNN publikoi nje video, ku shfaqej i akuzuari kryesor për sulmet e Parisit, Salah Abdeslam, duke kërcyer se bashku me te vellane Brahim ne një klub nate ne Bruksel. Pamjet i përkasin 8 shkurtit te vitit te kaluar, 9 muaj përpara se Brahim te hidhte veten ne ere ne nje nga shpërthimet e Parisit. Dy miq te tij qe kishin regjistruar videon rrëfyen se nuk mund ta besonin sesi u shndërruan ne besimtare dhe u radikalizuan brenda pak kohe dy vëllezërit.
