Publikohen datat e provimeve të maturës shtetërore, Manastirliu: Suksese të gjithë nxënësve
Janë bërë publike datat e provimeve të maturës për vitin 2024.
Në një postim në rrjetin social “Facebook”, ministrja e Arsimit, Ogerta Manastirliu ka ndarë datat, teksa u ka uruar suksese të gjithë nxënësve.
Provimi i parë do të jetë ai i gjuhës së huaj më 3 qershor. Provimi i Gjuhës Shqipe dhe letërisë do të mbahet më 10 qershor, ndërsa më 18 qershor do të mbahet provimi i matematikës. Provimi i fundit, ai i lëndës me zgjedhje, do të mbahet më 24 qershor.
Postimi i Manastirliut:
Dy lajme me interes për maturantët mbi provimet e Maturës Shtetërore 2024! Shpallen datat e provimeve të Maturës Shtetërore për nxënësit që ndjekin arsimin e pëgjithshëm dhe atë profesional.
Për orientimin dhe përgatitjen e maturantëve, testet model për provimet e ardhshme, ndryshe nga vitet e shkuara, do shpërndahen në shkolla që në muajin JANAR 2024.
Suksese të gjithë nxënësve tanë
