PSG nis numërimin e ditëve para shpalljes kampion në France.
Kryeqytetasit fituan klasiken e ligës së parë kundër Olimpik Marseje me rezultatin 2 me 1, duke e thelluar në 15 pikë diferencën me këtë, skuadër që është edhe ndjekësja e më e afërt në kampionat.
Të zotët e shtëpisë kaluan shumë shpejt në avantazh që në minutën e 12 me anë të brazilianit Nejmar.
Mirëpo Marseja arrin të barazojë në minutën e 31 me anë të Kaleta Ka, i cili shfrytëzoi një dalje të gabuar të portierit italian Donaruma.
Sidoqoftë goli i miqve nuk i prish ndeshjen parisienëve, të cilët të inspiruar nga Messi dhe Mbappe dominojnë takimin. Fillimisht argjentinasit i anulohet një gol dhe më pas në shtesën e pjesës së parë, Mbappe dyfishon nga pika e bardhë e penalltisë.
Në të 76 Mbappe shënon një tjetër gol, por e anulon sistemi VAR, sikurse të njëjtën gjë teknologjia bën edhe me golin e miqve të shënuar nga Saliba.
Tanimë me 6 ndeshje nga fundi, PSG mund të festojë titullin që në mesjave në një duel kundër Onzher.
