Psg fitoi 2 me 1 ne ndeshjen e parë të 1 te 8 e Uefa Champions League kundër Chelseat, duke shkuar në Londër në ndeshjen e kthimit me e favorizuar sesa rivali i vet. Rikthimi i kompeticionit më të bukur të futbollit të klubeve në botë, ka dhuruar emocione te mëdha në platformën Tring me dy takimet e para të 1 te 8. Natyrisht vëmendja më e madhe u përqendrua në Tring Sport 1 HD, ku u përcoll spektakli i klasikes Psg vs Chelsea. Një ndeshje me dy pamje. 45 minutat e para thuajse te ekuilibruara, ku miqtë patën shansin të realizonin të parët në Park De Prins, por gjuajta me kokë e Diego Kostes solli devijimin e topit nga Kevin Trap përpara se të përplasej në travesë. E megjithatë ndeshja do të zhbllokohej nga parisienët në minutën e 39 pas një goditje dënimi të ekzekutuar nga Zlatan Ibrahimovic dhe devijuar nga Obi Mikel. Megjithatë në minutën e parë shtesë ishte pikërisht nigeriani që vendosi nderin e tij në vend, duke barazuar rezultatin pas një krosimi nga e djathta. Pjesa e dytë ishte një tjetër simfoni. PSG dominoi pothuajse plotësisht falë një presingu të vazhdueshëm dhe cilësive teknike individuale të disa lojtarëve. Chelsea u shfaq ne fillim dy herë rrezikshëm në kundërsulm me anë të Diego Kostes dhe Uilliam përpara se skuadra franceze te qëndronte thuajse gjatë gjithë kohës në gjysmëfushën londineze. Portieri Kurtua ishte ai që i tha jo golit në disa tentativa të Ibrahimovic, Lukas, Matuidi dhe Angel Di Maria, përpara se portieri belg i Chelsea të dorëzohej në minutën e 78. Aksion fantastik i vendasve, Ibrahimovic shërbeu per Di Marian që vertikalizoi për Kavanin ku realizoi golin e avantazhit. Fund i sfidës ishte teje drithërues teksa PSG i shkoi afër golit të trete me Tiagio Silven dhe Ibrahimovic. Me kete rezultat gjithsesi ndeshja e kthimit në Stamford Brixh pas 3 javësh premton për një tjeter beteje te madhe. Në sfidën tjetër të transmetuar në Tring, Benfica fitoi vetëm në frymen e fundit 1 me 0 në shtëpi kundër Zenitit. Heroi i portugezeve të Da Luz ishte braziliani Zhonas, që i jep një avantazh të konsiderueshëm skuadrës së tij për sfidën e kthimit në Rusi që do të luhet me 9 mars.
