Mjeku i njohur, Ilir Alimehmeti ka sqaruar në emisionin “Quo Vadis” pse këtë vit u rrit kaq shumë kërkesa për ekzaminime, imazheri dhe tampon, në krahasim me vitet e kaluara, ku indiferenca e qytetarëve ndaj shëndetit të tyre ishte e lartë.
“Sepse ngritëm kërkesën, ngritëm shqetësimin. Kaq! Ngritëm nevojën për të bërë ekzaminime, ngritëm nevojën për të bërë imazherira dhe kjo funksionon. Tani kush është ekonomist këtë bised e kupton shumë qartë. Ne ngritëm kërkesën për këtë sëmundje të vecantë. Për sëmundje të tjera që janë shumë më problematike në Shqipëri, sic është infarkti I zemrës, insulti cerebral, kanceri e me rradhë, po të njëjtët Ne, po të njëjtët shqiptarë nuk bëjmë pothuajse asgjë. Pra nuk testohemi, nuk skrinohemi etj. Pse? Sepse nuk është ngritur kërkesa, s’është bërë ky bombardimi I fortë shoqëror mbi një sëmundje të caktuar. U bë për covid-in dhe si rrjedhojë është krejt e natyrshme që tani ky preokupim më I lartë të përkthehet në angazhim, qoftë personal, qoftë social, qoftë ekonomik. Është ndoshta detyrë e mjekve, por qoftë edhe e medias që këtë alarmin e madh që ngritëm për covid-in dhe këtë panikun e madh ta ulim prap edhe të rrikthejmë edhe njëherë në vëmendje sëmundje të tjera të cilat marrin shumë jetë shqiptarësh cdo vit? Por edhe në rang botror, ju përendët disa prej tyre. 12 mijë qytetarë shqiptar vdesin cdo vit nga sëmundjet e zemrës, por ne prap jemi indiferent.”
