Qyteti port i rrethuar i Mariupolit duket sikur është gjithnjë e më shumë pranë kapjes së plotë nga forcat ruse. Fati i qytetit ukrainas ka të ngjarë të jetë kritik për fazën tjetër të luftës.
Në duart e Rusisë, Mariupol do të siguronte kontrollin e një zone të qartë të territorit që lidh dy frontet e Moskës në jug dhe në lindje.
Ai gjithashtu do të lironte një numër të madh të forcave ruse që mund të ridislokoheshin dhe do t’i siguronte Presidentit Vladimir Putin një moment “fitoreje” strategjike.
Por për Ukrainën, kjo do të shënonte një humbje të madhe për udhëheqjen e vendit, e cila e ka përshkruar Mariupolin si “zemrën e kësaj lufte”.
