Bananet e papjekura mund të përmbajnë niseshte rezistente që mund të ketë një efekt të dobishëm në trupin e njeriut.
Dhe nuk janë vetëm bananet jeshile që mund të kenë këto përfitime, por edhe një sërë ushqimesh të tjera specifike si patatet e ziera dhe të ftohura dhe tërshëra e papërpunuar. Kjo për shkak se ato përmbajnë diçka të njohur si niseshte rezistente.
Niseshteja rezistente kontribuon në zhvillimin e baktereve ekzistuese të mira të zorrëve dhe ndihmon në rritjen e numrit të tyre.
“Studimet kanë zbuluar se dietat që përfshijnë niseshte rezistente ndihmojnë në kontrollin e sheqerit në gjak, ofrojnë nivele më të shëndetshme të lipideve në gjak dhe përmirësojnë ndjenjën e ngopjes pas ngrënies. Ato shoqërohen gjithashtu me një rrezik më të ulët të kancerit të zorrës së trashë”, thonë mjekët. /vizionplus.tv
