Pavarësisht nëse pini gjysmë luge gjelle apo e hidhni në ushqim, ekspertët e shëndetit priren të pajtohen – nuk ka asnjë mënyrë të gabuar për të futur vaj ulliri në trupin tuaj dhe studimet tregojnë se pak më shumë se gjysmë lugë gjelle mjafton për të vërejtur një ndryshim.
Nganjëherë i quajtur ari i lëngshëm, vaji i ullirit është mbreti i yndyrave – i pangopur dhe i mbushur me antioksidantë dhe përbërës të tjerë të shëndetshëm që nuk do t’i gjeni në yndyrnat shtazore ose të përpunuara. Hulumtimet sugjerojnë se ata që bëjnë ndryshimin e dietës do të gëzojnë gjithashtu një listë të gjatë të përfitimeve shëndetësore.
Një nga përfitimet më të përmendura të vajit të ullirit është përdorimi i tij si një laksativ natyral. Vaji i ullirit mund të ndihmojë me këtë problem – yndyrnat ndihmojnë në qetësimin e pjesës së brendshme të zorrëve dhe zbutjen e jashtëqitjes, duke e ndihmuar atë të thithë më shumë ujë.
Studimet kanë treguar gjithashtu se shtimi i më shumë vaj ulliri në dietën tuaj mund të zvogëlojë rrezikun e vdekjes nga demenca – shkaku i shtatë kryesor i vdekjes, sipas Organizatës Botërore të Shëndetësisë.
Vaji i ullirit është një nga elementët kryesorë të dietës mesdhetare, i cili në mënyrë të përsëritur është treguar se zvogëlon rrezikun e sëmundjeve kardiovaskulare – veçanërisht sëmundjet koronare të zemrës – dhe rrezikun e vdekjes nga çdo shkak.
Studime të tjera kanë treguar se konsumimi i më shumë se gjysmë luge vaj në ditë mund të zvogëlojë rrezikun e vdekjes nga kanceri, sëmundjet neurodegjenerative dhe të frymëmarrjes.
Konsumimi i një ose dy lugë gjelle vaj ulliri herët në mëngjes me stomakun bosh është veçanërisht i dobishëm. Kjo lejon që vaji të mbulojë stomakun për të ndihmuar tretjen, largimin e mbetjeve dhe rregullimin e mikrobiotës së zorrëve gjatë gjithë ditës. Ekspertët sugjerojnë përdorimin e vajit të ullirit ekstra të virgjër. /vizionplus.tv
