Asambleja Kombëtare e Partisë Socialiste është shtyrë për në muajin shtator. Mbledhja e forumit të lartë vendimmarrës ishte parashikuar të zhvillohej në fund të muajit korrik. Mësohet se shkak është bërë vijimi i analizës së punës dhe turit të llogaridhënies. Gjatë mbledhjes së asamblesë pritet te bëhet analiza e punës së qeverisë e bilanci i bashkëqeverisjes me qytetarët. Por gjatë mbledhjes nuk kanë munguar as kritikat në adresë të ministrave. Sekretari i përgjithshëm, njëherësh kreu i grupit parlamentar Taulant Balla, ka qenë i ashpër në qëndrimet ndaj tyre. Balla ka mbajtur qëndrim kritik mbi mungesat e ministrave në seancat plenare dhe përballjen me akuzat e opozitës. Nga ana e tij, kryeministri Rama ka kërkuar deputetëve të jenë të gjithë të pranishëm në seancat e fundit plenare të këtij sesioni. Po ashtu, ka ritheksuar kërkesën për kontakte më të shpeshta të deputetëve me elektoratin.
