Zgjedhjet lokale që zhvillohen në qershorin e vitit të ardhshëm, kanë vënë në lëvizje subjektet më të mëdha politike për betejën e rradhës në Korcë.
Edhe pse zhvillimi i tyre duket ende largët, ethet zgjedhore kanë nisur me kandidaturat që do të përfaqësohen në këto zgjedhje.
Nga kampi i Partisë Demokratike janë ende në proçes konfirmimi dy figura të saj; pedagoget Ledina Alolli dhe Sorina Koti.
Nga baza e PD janë përzgjedhur si më të favorizuara këto dy kandidate.
Një prej tyre që do të marë edhe vulën e aprovimit nga forumet më të larta drejtuese të PD, do të sfidojë kryebashkiakun aktual Sotiraq Filo. Sepse Partia Socialiste, sipas të dhënave, nga baza e piramidës së saj dhe deri në majë e ka vendosur tashmë që Filo ta përfaqsojë edhe për një mandat të ri.
Ndonëse këto kandidatura nuk janë bërë zyrtare formalisht, e sigurt është se Filo do të ketë përballë në zgjedhjet lokale një mes kandidateve Ledina Alolli dhe Sorina Koti.
Madje nga burime të besueshme bëhet e ditur se nga struktura të PS në Korçë janë kryer edhe sondazhet paraprake që I paraprijnë rezultateve të zgjedhjeve lokale. Sipas këtyre sondazheve, Filo del kandidati I vetëm që parashikohet fitues në zgjedhjet për bashkinë e Korçës.
Nuk bëhet e qartë se çfarë rezultati kanë nxjerë këto sondazhe përballë kandidateve të PD. Në historikun e zgjedhjeve të pushtetit lokal, PS po qeveris në Korçë që prej vitit 2007.
Atëhere Niko Peleshi fitoi ndaj kandidatit të PD Gjergji Papa, duke I marë çelsat e bashkisë ish kreut të saj Robert Damo.
Në mes të mandatit të dytë, Niko Peleshi I dorëzoi stafetën zevendësit të tij Sotiraq Filo i cili pas ushtrimit të një mandati e gjysëm synon të rizgjidhet edhe për katër vite të tjera.
Kandidatet e PD që rivalizojnë së pari mes tyre, do të tentojnë si përmbysjen e pushtetit lokal edhe zgjedhjen për herë të parë të një kryebashkiakeje në Korçë.
