Provim i automatizuar për mjekësinë/ Maturantët do t’i nënshtrohen testimit

Provimi i automatizuar për ata që duan të vijojnë studimet në programin mjekësi e përgjithshme, do të ketë një peshë prej 30% në vlerësim.

Ndërkohë, 70% do të jetë nga notat e tre viteve dhe maturës shtetërore.

Ministrja e Arsimit Evis Kushi bën të ditur se provimi për këtë program do të bëhet pas provimeve të detyrueshme të maturës shtetërore.

Qendra e shërbimeve arsimore ka ngritur një komision  për përgatitjen e fondit të pyetjeve, i cili do të jetë i hapur për publikun më 31 dhjetor dhe do te përfshijë lëndën e biologjisë, kimisë dhe fizikës.