Protestuesit “strehohen” në PD, marshimi drejt fundit

Pas dy orësh marshim, protestuesit nën drejtimin e kreut demokrat Lulzim Basha janë nisur drejt selisë së Partisë Demikratike.

Edhe pse u cilësua si një protestë paqësore nga ana e opozitës, nuk janë evituar përplasjet mes protestuesve dhe policisë.

Protestuesit hodhën sende të forta tek Drejtoria e Përgjithshme e Policisë, ndërkohë që tek Parlamenti krahas mjeteve të forta prishën edhe gardhin metalik.

Po ashtu tek Drejtoria e Policisë Tiranë protestuesit hodhën dhe bomba molotov.

Mësohet se si pasojë e hedhjes së sendeve të forta janë plagosur edhe efektivë të policisë.