Ndërsa opozita po protestonte kundër tij, kryeministri Edi Rama zgjodhi të postonte në rrjetin social facebook, një shkrim të publikuar nga media irlandeze që e rendit Shqipërinë ndër destinacionet më të bukura për të vizituar. Por komentet e qytetarëve e shtynë Ramën të reagonte edhe për protestën. Një nga komentuesit renditi në statusin e kreut të qeverisë disa nga arsyet pse shqiptarët duhet të protestojnë.
Kryeministri iu përgjigj me ironi duke thumbuar Lëvizjen Socialiste për Integrim. “Mbi të gjitha protesto që të mos shkojë deri në fund reforma në drejtësi, të mos bëhet vettingu, të mos hapen negociatat për anëtarësim në BE dhe të mos mbyllet dyqani i çizmeve të majta që përdoren edhe për këmbën e djathtë.”, shkruajti kryeministri ne profilin e tij ne facebook.
