Pas vdekjes se nenës shtatzëne Aida Cajka dhe foshnjës se saj, mjeket e maternitetit “Koco Gliozheni” reagojnë per ngjarjen dhe ndalimin e dy kolegeve te tyre. Përmes nje proteste nje oreshe mjeket obstetër- gjinekologe mohuan neglizhencën ndaj nenës 35- vjeçare. Ata deklaruan se gruas i janë kryer vizitat sipas protokollit, por me simptomat qe paraqiste gruaja shtazëne, ajo u dërgua ne urgjencën e QSUT per ekzaminime qe nuk mund t’i kryeje materniteti. Por a duhej shtruar ne maternitet nena shtazëne dhe me pas spitali t’i ofronte mjeket e specialiteteve te tjera? Sipas gjinekologeve kjo është e pamundur, pasi materniteti nuk mund te ofroje kushte dhe aparatura per shërbimet e tjera. Ai është i specializuar vetëm per barrelindjet, ndaj dhe diagnoza e gruas shtazëne nuk eshte gjetur gjate vizitës gjinekologjike. Protesta e stafit te maternitetit “Koco Gliozheni” është mbështetur nga mjeket obstetër-gjinekologe te maternitetit “Mbretëresha Gerladine dhe spitaleve te rretheve te cilët kërkojnë vlerësim per punën e tyre. Por pas rastit fatal te nenës nga Tirana pacientet ndihen me te pasigurt ne sistemin shëndetësor, pasi nese do ketë raste te ngjashme me problemet e shtatzënës 35-vjeçare nuk dine se ne cilin spital te drejtohet fillimisht qe mos kenë fatin e Aida Cajkes. Ndërkohe per dy mjeket e ndalur Helidon Klosi dhe Dritan Decka, Prokuroria pritet te kërkoje 45 dite burg per mjekim te pakujdesshëm.
