Mosmarrja e shpërblimit të fundvitit me vlere 150 mije lek te vjetra, të akorduar nga qeveria shqiptare, ka ngritur në protestë personat me aftësi të kufizuar në qytetin e Lezhës.
Që në orët e para të mëngjesit, ata janë mbledhur para ambienteve të filialit të Postës Shqiptare në Lezhë, duke kërkuar marrjen e pagesës së premtuar.
Personat me aftesi te kufizuar thone se ndodhen në vështirësi të mëdha ekonomike dhe se mungesa e këtij shpërblimi i pamundëson të përballojnë shpenzimet për festën e ndërrimit të viteve.
Nga ana tjetër, përfaqësues të filialit të Postës bëjnë në Lezhë bëjne me dije se fondet ende nuk janë lëvruar nga Thesari, çka ka sjellë edhe krijimin e kësaj situate.
Ata theksojnë se pagesat do të kryhen menjëherë sapo fondet të kalojnë në dispozicion të Postës./vizionplus.tv
