Protestë para ambasadës serbe në Tiranë

Dhjetëra aktivistë dhe qytetarë protestuan para ambasadës serbe në Tiranë, në mbështetje të Kosovës pas tensioneve në veri.

Me flamuj dhe simbole kombëtare në duar, qytetarët kërkuan që Beogradi të heqë dorë nga përpjekjet për të dërguar trupat ushtarake në veri të Kosovës.

Ata bënë thirrje gjithashtu që t’i jepet fund provokimeve ndaj shqiptarëve.

Më pas protestuesit u zhvendosën përpara Kryeministrisë ku kërkuan që Shqipëria të tërhiqet nga Ballkani i Hapur me argumentin se i shërben Serbisë.

Pjesëmarrësit paralajmëruan protesta të tjera në ditët në vijim.